جامدة جداااااااااااااااااااااااااا

حوار مع مواطن مصرى خفيف الظل


# يقال إن 87%من الشعب المصرى ساخطون على الحكومة المصرية - ما تعليقك؟
المواطن :- الـ13% الباقيين أكيد معاهم جنسيات أخرى.

# هل لك أقارب استشهدوا فى الحرب؟
المواطن :- لأ.. عندى أقارب استشهدوا فى السلام.. "السلام 98" طبعاً.

# ما وجه الشبه بين السد العالى وأمن الدولــة؟
المواطن:- الإثنان مصدر "للكهرباء"!!!

# لماذا يطلق المصريون على زوجاتهم لقب "الحكومة"؟
المواطن :- لصعوبة تغييرها مهما تسببت فى كوارث.

# أين يمكنك أن تلاحظ سوء نية المصريين؟
المواطن :- عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".

# إمتى بتحس إن البلد حلوة؟
المواطن :- ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!

# تقرير: 60% من الرجال المصريين بـ"يشَخَّروا" وهم نائمون.. ما تعليقك؟
المواطن :- الـ40% الباقيين بـ"يشخُروا" وهما صاحيين..

# ما الفرق الأهم بين مصر وأمريكا؟
المواطن :- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.

# ما أهم قاعدة موجودة في مصر؟
المواطن: - إن مفيش قاعدة لأى حاجة..

# بماذا ستجيب كمصرى عند سؤالك عن عمرك فيما أفنيته بعد عمر طويل؟
المواطن :- أفنيته فى إشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستنى لما رئيس الوزراء يروح بيته.

# من المستفيد من الزحام الذى يسيطر على شوارع القاهرة؟
المواطن :- شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.

# ما الفرق بين الزوجة المصرية والزوجة اللبنانية؟
المواطن :- 40 كيلو جرام.