عاوز ارتبط !!!

كتير بسمع من شاب أو فتاه أنهم عاوزين يرتبطوا
فكرة الارتباط فى حد ذاتها هى اللى بتستهويهم
مفيش شخص بعينه .. هى بس الفكره
عاوز ارتبط
تفتكروا ده غلط ؟؟؟
بصوا فى سن بيكون فيه طبيعى جداا أننا نحس بميل للجنس الاخر والميل ده فى حد ذاته طبيعى
ومش خطيه ابداً أننا نحس بده لانه جزء من نمو نا النفسى والاجتماعى
طيب ليه الميل ده ربنا وضعه جوانا؟
علشان يبقى عندنا القدرة أننا نتعامل مع الاشخاص من الجنس الاخر ونتعامل معاهم فى صورة جماعيه فى النور ومش بصورة شخصيه ولا فرديه
التعارف والتعامل ده مفيد لنفسيه الولد والبنت وبيخلينا نكبر صح ويخلينا نقدر نتفهم طبيعه الجنس الاخر اللى بيبقى مختلف عنك فى امور كتيره
ونقدر نعتبر المرحله دى من العمر اعداد للزواج
بس مانقدرش نقول ان المشاعر اللى بنحسها فى الوقت ده انها احتياج حقيقى للزواج
لان المرحله دى بيكون فيها لغبطه كتير ومشاعر بتتغير بسرعه وبيكون كمان فيها خبرة قليله بالعالم المحيط بينا ولو اخترنا شخص نرتبط بيه فى الوقت ده غالبا الاختيار بيكون خاطىء او مش بيكمل
لاننا بنتغير بسرعه ولانه فعلا مش بيكون ده احتياجنا الحقيقى
المرحله دى بيكون احتياجك لوجود اشخاص من الجنس الاخر فى حياتك بصورة عامه ولما بنعديها صح ونكبر شوية
بندخل فى مرحله تانيه بتبقى فيها محتاج لوجود شخص معين فى حياتك ترتبط بيه
طيب ليه مايكونش مثلا سن 18 سنه هو السن اللى ينفع ترتبط فيه؟
لانك هاتتغير بعد شوية
والاهم من كده انك لسه شكل حياتك وشكل حياه الشخص اللى ممكن تختاره بيبقى غير واضح المعالم
كمان الارتبط بشخص واحد ليه التزامات كتيرة قوى وغالبا الالتزامات دى بتتحول لعبء وتقل على الطرفين لو اتحملوها فى سن صغير وده بعد شوية بيخنق الحب لو كان موجود
ومانقصدش هنا الالتزامات الماديه فقط لانه يمكن تقولى انك مستعد ماديا
بس فيه التزامات تانيه اهم لان الجواز مش فلوس وبس فيه التزامات نفسيه وروحيه واجتماعيه
ليه ممكن تتحول الى حمل
لان الطرفين بيكونوا فى سن محتاج الانطلاق والانفتاح على الحياه وعلى اشخاص كتير
لكن وجود شخص واحد ان مرتبط بيه غالبا بيحد حركتى فى الدنيا وتعاملاتى مع الناس لانى لازم اكون مع الشخص اللى ارتبطت بيه
ونتيجه كده غالبا باكبر وفيه حتت مهمه فى شخصيتى ماتكونتش او ماتبنتش صح
او اضطر اخد قرارت تأثر على مستقبلى زى انى ابقى عايز اشتغل بسرعه وبفلوس كتير ومش شرط يكون ده الشىء اللى انت محتاجه لاجل نموك النفسى والروحى

طيب ليه الفكرة بتكون ضاغطه كده

ممكن مثلا اكون محتاج للحب او القبول او الانتماء لكيان ما او لتحقيق ذاتى

يعنى وانا مش متجوز اتخيل انى لو اتجوزت مشاكلى هاتتحل واستريح او لما اشتغل او لما اجيب اطفال او يمكن لو عندى فلوس اكتر
وغالبا ده بيبقى حرب من ابليس علشان نتشتت ونحس اننا ماينفعش نفرح ونرتاح فى الوضع اللى احنا فيه
لكن المسيحى اللى بجد ينفع يفرح ويشبع فى اى وضع هو فيه
فكر ازاى تفرح باللى انت فيه ده هايساعدك

وده بيسموه الاحتياج الوهمى

جرب تشبع بربنا اكتر
ويكون ليك علاقات نقيه وسويه مع ناس كتير من الجنسين بصورة جماعيه
اسال نفسك انا ايه فعلا اللى محتاجه دلوقت من جوايا
فكر ازاى تفرح وتشبع باللى عندك وبالوضع اللى انت فيه لان كل وقت وكل وضع بيكون فيه حاجات حلوة قوى تفرح وتشبع
ولما بيعدى الوقت ده مش بينفع انك ترجعه تانى ولا تفرح باللى فاتك
1- علشان تضارب الاحتياجات وعدم تمييزها -- يعنى غالبا انت محتاج حاجه تانيه بس انت مش قادر قوى تميزها فبتشوف انها احتياج للارتباط
2 - لان الانسان عاده لما بيكون عنده مشكله بيدور على ايه اللى ناقصه وبيتخيل ان ده هو حل مشكلته
3- ساعات الضغوط اللى حوالينا من الناس او من الميديا -- التليفزيون والاعلام -- بتحسسنا اننا فى مشكله لانى مش مرتبط او مش مصاحب حد
كلمه اخيره أحب اقولها لكل أخواتى
عيشوا حياتكم بس بطريقه صح وأعرفوا أن لكل خطوه فى حياتنا أوان يعنى متستعجلوش
تحياتى ليكم

r=green]]موضوع كتير جميل بجد وفيه اشئله كتير حلو اننا نقف لحظات ونجاوب عليها ممكن بيننا وبين نفسنا وممكن علناً,,
انا برايي...الزواج مفهوش عمر محدد ممكن يكون الشاب عمره 18 بس يمكن يكون ناضج وممكن يكون عمره 30 او اكتر ومش ناضج.
المهم هنا.......هل انا ناضج وبقدر اقوم بالمسؤليه تجاه بيتي زوجتي اولادي والاخرين.
مهم جدا اني اسال نفسي قبل الزواج هذه الاسئله واذا بقدر اقوم بالسئؤليه مفيش مشكله اني اتزوج.
ومهم جدا اني اكون بعلاقه مع ربي واستشيره بالموضوع وتكون مشيئته بترتيب شريكة حياتي . لان بدون مشيئة الرب حتى لو كنت احب الفتاه لا يمكن ان الشاب يسعد.
شكرااااااااااااااااااا مينا للموضوع ربنا يرتب كل امورك على خير ونعمه وسلام.[/size]

نورتى مايا بمروك

ربنا يباركك

ايه الحلاوة دى يا بنى

شكرا فارس لمرورك
نورت

موضوع هايل جدااااااااا ربنا يبارك حياتك

شكرا سامح ربنا يبارك حياتك

موضوع: شكر الثلاثاء يناير 18, 2011 4:31 pm

شكراً علي الموضوع الهام والخطير
شوف حبيبي مينا : أحتياج ( الحب ) العلاقة بالآخر بتتم بدء من سن المراهقة ومن خلالها هنا تخيلات وتصورات شتي بين الطرفين تتخللها أحلام ويقظة وأماني ( والأحتياج الأساسي هو التعرف علي الآخر )
أما في مرحلة ما بعد المراهقة فهناك البحث عن النصف الآخر لتجربة ( الحب ) والأحلام الوردية دون معرفة الخطورة الحقيقية في هذه الفترة الخطيرة والتي يفشل أغلبها 90 % منها وذلك لنظرية ( حب التغيير والبحث عن الأجمل والأفضل والجاهز )
أما فترة مابعد هذا وهي فترة الأرتباط الفعلي فتتحكم فيها أمور أساسية ( الحصول علي عمل دائم وتوفير قدر من المال اللازم للدخول في هذا المشوار _ الأنتهاء من فترة التجنيد _ مباركة الأهل للطرفين _ الحصول علي شقة مناسبة لأتمام الزواج )
أما الأهم والأخطر في كل المراحل السابقة هو التصرف الذاتي دون الأستعانة بخبرة الكبار الموثوق بهم مثل ( الآب _ الآم _ الأخ ( الأخت ) الكبرى _ الكاهن ( آب الأعتراف ) )
الكنيسة تعمل جاهدة علي تقارب الجنسين من خلالها أى عن طريق برامج وتدريبات ومشورة من مسؤلين للراغبين في الزواج
فعلينا أن نتبع كل خطوات الكنيسة حتي يصبح الزواج ناجحاً

كلام جميل
شكرا يا عادل لمرورك الرائع
ربنا يباركك

» عاوز تبقي مليونير...
» عاوز تعرف تخصص كل قديس ادخل هنا
» لو عاوز تعرف أزاى توصل للسما ( أبونا مكارى )