حبيبى على نياته

الموضوع مختلف

بس هايبقى مختلف بردودكم

هو الموضوع موجه للبنات

ولكن فى الاصل يحمل رساله وتساؤل للشباب

ندخل فى الموضوع ونقول

للبنات الاول ( وده ليه هدف مش ليدس فريست ولا حاجه احنا مش بتوع الحاجات دى )

لو الواد خطيبك او جوزك او اللى بتحبيه او اى مسميات تانى

المهم الموز بتاعك يعنى

ازاى تقدرى تقطعى علاقاته مع البنات اللى يعرفهم من قبلك

ازاى تخليه يركز مع واحده بس ( انتى طبعا)

بس والنبى بلاش الردود التقليديه على غرار :

لو بيحبنى هيسيب كله ويركز معايا

لو انا مهتمه بيه مش هايبص لغيرى

والكلام الحلو خالص اللى احنا عارفينه دة

علشان ياختى يا حلوة يا غلبانه مافيش حاجه اسمها فى عالم الرجال

اركز مع واحده بس

من الآخر يعنى ..

اة ممكن يكون خطيبك وبيحبك اوى بس بردو مافيش مانع من معرفه فى السكه كده

ومش شرط تكون معرفه وحشه او انه يغلط

بس على رأى المثل : البحر بيحب الزياده

عادى يعنى بيحب خطيبته اوى بس فلانه دى عسوله وفى تجاوب منها

هات رقمها عادى اهو اى دردشه .. هو طبعا مش هايحب فيها بس انا بتكلم على المبدأ نفسه انه موجود

وعلى رأى الكاتب الكبير ( اللى هو انا ) قلب البنت راكب واحد بس انما قلب الولد كبير وحنين 7 راكب او اكتر هههههه

المهم نرجع للسؤال بس انا رغيت ده كله علشان مسمعش ردود نمطيه وتقليديه ومستهلكه

فكل واحده كده زى الشاطره تتخيل نفسها فى الموقف وتقول هتعمل ايه

ونبقى صرحا كده وحلوين واللى مش هتعرف تقول مش هعرف اعمل ايه

ومش عايزين غش كل واحده تتخيل وتجيب اللى جواها هى


زى ما انا كنت صريح كده و وديت الولاد فى داهيه ههههههههه


نيجى بقى للقسم التانى (المهم) من الموضوع :

محدش يفتكر انى هسأل الولاد نفس السؤال لان مافيش حاجه اسمها البنت ليها علاقات

قبل او حتى بعد الارتباط اة حبه عنصريه بقى .. هو كده احنا يبقى لينا براحتنا .. انتوا لا

المهم السؤال للشباب بيقول :

ازاى تعرف تنهى كل علاقاتك مع كل البنات اللى تعرفهم وتركز مع واحده بس ؟؟

وبردو عايز رد واقعى كده وحلو ويقنعنى ويقنع اللى هيشوفه يعنى علشان الناس تتعلم

ازاى هتسيبهم كلهم وتركز مع واحده بس ؟؟

البحر كده هايخلص هههههههه

لا بجد تعمل ايه ؟

اى ولد طبعا فاهمنى وعارف ان العمليه صعبه

ومش عايز واحد يطلعلى ويقولى ماهى لو خطيبتى عجبانى هبص برا ليه ؟؟؟

حبيبى ده اللى هيقول كدة

لان كلنا عارفين ( كأولاد يعنى) ان اى ولد لو خاطب مافيش حاجه اسمها يكتفى بخطيبته بس

هو مش هايصيع ولا يعمل حاجه وحشه بس هايتعرف ويتكلم ودى هتضايق اى بنت طبعا

حابه ان خطيبها يبقى ليها وحدها وده حقها زى ما انت حابب انها تبقى ليك لوحدك



عاااااااايز بقى كل ولد يتخيل نفسه فى الموقف ويقول هايعمل ايه

وبلاااااااش ردود تقليديه .. ع ايزين حلووووول وافكار جديده

هتعمل ايه بقى يا معلم ؟؟؟؟

##